Перайсці да асноўнага змесціва

Хатняя старонка

  • Артысты
  • Артыкулы
  • Рэгі Стылі
  • Рэлізы
  • Кантакт
  • Беларуская
  • Русский
  • Українська
  • English
  • Рэгі.бай
  • Гукасістэма Даб Ровар
  • Гукамайстроўня Барацьбіт

Слухаць Рэгі Радыё Дабранач Анляйн

DUB LECTURE #1: Rebelsteppa & Prophet P | 30.11

Dub Lecture #1

"Each one teach one inna Babylon" - выраз, які стаў крылатым у рэгі-выканаўцаў па ўсім сьвеце. Ідэя аб тым, што кожны чалавек можа стаць настаўнікам для іншага ўзьнікла не на пустым месцы. На Ямайцы і ў Англіі, нягледзячы на вялікую папулярнасць рэгі, радыё і тэлебачаньне былі зачыненыя для музыкі бедных цёмнанаскурых жыхароў гетта. Толькі шчасьліўцы, такія як Боб Марлі, траплялі ў "скрыню" і ў ратацыі на вядомых радыёстанцыях. Для астатніх адзіным сродкам "мас-медыя" былі гукасісітэмы. Кожны, хто хацеў нешта данесьці да людзей, мог напісаць песьню і яе б пачулі сотні людзей на дыскатэцы. А калі песьня мела посьпех на гукасістэме, то хутка выходзіла на вінілавай плытцы - і аўдыторыя павялічвалася да тысяч слухачоў.
У новым тысячагоддзі сітуацыя амаль не зьмянілася. Калі б не інтэрнэт, гукасістэмы так і засталіся бы адзіным "рупарам" для аматараў рэгі і даба...

Даб Лекцыі - такую назву мы надалі серыі нашых вечарынаў.

Каб спасьцігнуць усю глыбіню культуры рэгі і даба недастаткова націснуць кнопку "play" на прайгравальніку. Мы хацелі б надаць нашым вечарынам адукацыйны аспэкт. Факты з гісторыі, прагляд фільмаў, класічныя хіты і навінкі рэгі/даб музыкі на сапраўднай гукасістэме, а таксама госьці з блізкага і далёкага замежжа. Усё гэта і не толькі, вы даведаецеся,пачуеце і ўбачыце на гуке Даб Ровар.

Гасьцямі першай Даб Лекцыі будуць:

Заслужаны акадэмік Расійскай Акадэміі Даба, дацэнт катэдры тяжкіх даб-канcтрукцый, доктар гукасістэмных навук, шаноўны Rebelsteppa (Масква, РФ).

Рэктар Архангельскага Інстытута Дыджэінга, дацэнт кафэдры прыкладнога рагамафіна, кандыдат мікрафонных навук, шаноўны Prophet Panama (Архангельск-Масква,РФ).

Намесьніца дырэктара Расійскага Нацыянальнага Вінілавага архіва рэгі і даба, загадчыца Цэнтральнай маскоўскай фанатэкі рутс кілераў, шаноўная Lioness Ciello (Масква, РФ)

А таксама ўвесь настаўніцкі склад і ўсё абталяваньне гукасістэмы Даб Ровар:
сп. Салома, сп. Каранёвы і сп. Жахлівы.

Першая Даб Лекцыя мае адбыцца ў аўдыторыі Shelter DJ Bar а 23.00, 30 лістапада, па адрасе вул. Ванеева 3, стадыён "Трактар".

Кантроль на ўваходзе / абмежаваньне па ўзросьце +18.

Кошт: 50 000 руб. з флаерам, 60 000 руб. на ўваходзе, 70 000 для ўсіх пасьля 00.00.

Не перашкаджайце і не перабівайце "выкладчыкаў", паважайце іншых "студэнтаў" і ўдзельнікаў! Будзьце адэкватнымі і не спазьняйцеся!

Адна Любоў!
http://vk.com/dub_lecture1

  • Русский

Гісторыя DANCEHALL REGGAE у 80-х

In the 80's Dancehall, Reggae Recall

Дапамога

  • Іншыя: $

Ахвяраваць

Апошні Рэліз

  • Bookah - Реклама
    Bookah - Реклама

з 2010 reggae.by; вэб-майстроўня Ɽootical Web